Главные новости Джангельдинского района – Qostanai Media

Ел перзенттері бас көтерді

Алаш зиялысы, ақын – жазушы, аудармашы, қазақ ағартушысы, қоғам қайраткері Міржақып Дулатұлының 140 жылдық тарихи тойы кең көлемде өтеді.
Тойдың өтетін уақыты да нақты белгіленді. Көптеген мәдени іс – шаралар аудан орталығында болады. Алғашқы күні сырттан келген меймандар Бидайық ауылындағы Міржақып атамыздың кесенесіне тағзым жасап, мұражайындағы құнды жәдігерлермен таныса алады. Одан кейін сол ауылда ас беріліп, бабалар рухына құран бағышталады. Ал аудан орталығында ат жарыс, күрес және республикалық ақындар айтысы өтеді. Сондай – ақ, мерекелік шаралар жалғасын табады. Біздің елдің азаматтары тағы да бір мәрте мәрттіктерін танытып жатыр. Айбат Қабажаев пен Айбат Әбдір сыртта жүрген ел азаматтарына үндеу жасап, демеушілікке шақырды. Болар б іске олаттай бекініп, жұмыла кірісетін ел тумалары бірауыздан қолдады. Әр жылғы тумалар қаржы жинады. Елдегі шаруа қожалықтары бір – бір жылқыдан демеуші болды.

«Біздің елдің азаматтары қашанда жомарт келеді. Әр сәтте жұдырықтай жұмылып, іске кіріседі. Жуырда өтетін Міржақып атамыздың 140 жылдығына орай торғайлықтар бас көтерді. Қаржылай және жылқы малынан демеушілік жасады, жиналған қаржы мен жылқы ұлттық спортымыздың жүлдесіне тігіледі. «Ұлы аламан», «Аламан бәйге», «Құнан бәйге», «Алтын тай» бәйгесі өтеді. «Ат шабар» алаңында демеушілердің қаржысына істелді. Бас бірліктерін танытқан ел азаматтарына шынайы алғысымызды білдіреміз», – деді Айбат Қабажаева.

Сонымен қатар, жерлесіміз, Парламент мәжілісінің депутаты Берік Бейсенғалиев республикалық ақындар айтысына отбасының атынан жеңіл автокөлігін жүлдеге тігеді.

Байбатыр АХМЕТБЕК