Тұрғындардың көңілдері көктемдей жайнады
Қазақстан Республикасының Мемлекеттік рәміздері күні мерекесі қарсаңында аудан әкімі Шота Оспанов бюджеттік ұйымдар мен мемлекеттік қызметкерлерге, көп балалы және толық емес отбасыларға, ата – анасының қамқорлығынсыз қалған балаларға екі қабатты көп пәтерлі үйдің кілтін салтанатты түрде табыстады. Алдағы уақытта 6 пәтер аудандық аурухананың қызметкерлеріне берілетін болады.
«Бұл барлығымыз үшін көптен күткен қуаныш. Өткен жылы осы ғимаратты көп пәтерлі тұрғын үйге айналдыруды қолға алдық. Яғни, бұрыңғы «Айгөлек» балабақшасы болған. Нысанның жалпы сметалық құны 344787,0 теңгені құрады. 2023 жылдың қараша айында толығымен құрылыс жұмыстары аяқталып, желтоқсан айында пайдалануға берілу керек еді. Бірақ, мердігердің салғырттығынан сағызша созылып, сәті бүгін түсті. Жалпы көлемі 1153,0 шаршы метр болатын тұрғын үй ауданымыздың ажарын келтіріп отыр. баршыңызды бүгінгі қоныс тойларыңызбен шын жүректен құттықтаймын. Игілігін көріңіздер. Барлығы да заманауи талапқа сай. Қаладағы тұрғын үйлерден еш кемшілігі жоқ. Тек күтіп ұстап, жауапкершілікпен қарауларыңызды сұраймын», – деді аудан басшысы.
Аудандық ардагерлер кеңесінің төрағасы Қарсақбай Бірмағанбетов, «AMANAT» партиясы Жангелдин аудандық филиалының төрағасы Ғабит Сүндетбаев қоныс той иелерінің қуаншына ортақтасып, өздерінің жылы лебіздерін білдірді. Ақ жаулықты аналарымыз қазақы дәстүрмен шашу шашты.
Байбатыр АХМЕТБЕКОВ
Қосылбай Құтмағанбетов – ширек ғасырға жуық уақытын өрт сөндіру қызметіне арнаған тәжірибелі маман. (далее…)
Облыс әкімдігінде өткен аппараттық жиында 2027 жылғы су тасқыны кезеңіне дайындық барысы қаралды. (далее…)
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Қостанай облысына іссапары барысында Торғай…
2027 жылғы көктемгі су тасқынына дайындық облыс әкімдігінде өткен аппарат кеңесінде талқыланды. (далее…)
Туған жерді түлету ағаш отырғызудан басталады. (далее…)
This website uses cookies.