Ісмердің іскерлігіне ел тәнті
Қостанай қаласында мемлекеттік «Рәміздер күні» қарсаңында Қостанай қаласының әкімі Марат Жүндібаевтың қатысуымен «Жыл патриоты -2024» форумы өтті.
Аталмыш форумға Аралбай ауылының тұрғыны, жеке кәсіпкері Құралай Молдабаева қатысып, «Бизнес» номимнациясы бойынша үздік деп танылды. Нәтижесінде облыс әкімінің грамотасымен марапаталды.
2019 жылы «Кәсіпкерлікті дамыту жөніндегі ұлттық жоба» аясында мемлекеттік грантқа ие болып, 500 мың теңгеге өзінің шағын кәсібін бастаған. Қажетті машиналар, құрал жабдықтарын алып, қызығушылықпен жасап жүрген жұмысын кәсіп көзіне айналдырды. Бүгінде жұмысының сапасының нәтижесінде тұтынушылары көбейген. Кәсібімен қатар отбасы шаруасын дөңгелетіп отырған ана, «Алтын алқа» иегері. 5 ұл 1 қызын тәрбиелеп өсіріп, бүгінде 10 немеренің ардақты әжесі атанып отыр.
«Тігін тігу кішкентайынман, өзімнің жаныма жақын болды. Үйде жүргенде, туысқандардың, таныстардың сұрауымен киім қысқарту, пішіп беру, көрпе тігу сияқты жұмыстарды жасап беретінмін. Кейін, неге осы жұмысымды, кәсіби жұмысқа айналдырмасқа деген ой келді. 2019 жылы мемлекеттен грант жеңіп алып, арнайы тігін машинасын, қажетті құралдарымды сатып алдым. Шағын тігін цехімді ашты. Қазіргі таңда көп еңбектің, сапалы жұмысымның нәтижесі деп білемін, тапсырыс берушілер өте көп. Тұрақты тұтынушыларымда бар. Көбіне, қонақ көрпе, қыз жасауына тапсырыстар көп түседі. Жұмысымды жақсы көргеннен болар, әр тапсырысқа жауаптылықпен, тұтынушының қалауындай етіп жасап, көптің алғысына бөленіп келемін», – дейді тігінші.
Айта кету керек, Құралай Қапарқызының есімі Қазақстанның «КИНЭС» рекордттар кітабына енген. Қазақстанның жаңа рекордын орнатқан Қазақстанның әр өңірінен жиналған 200 құрақшылардың қатарында болды. Қыркүйек айында әлемдік деңгейде өтетін көрмеге дайындалып жатыр. Арнайы тігілетін көрпелердің сапасы өте жоғарғы сапалы маталардан, таза велюрдан тігіледі. Көрмеге қойылатын бір көрпенің құны 70 мың теңгені құрайды. Әр облыстан жиналған 1000 құрақшының жұмысы, сәтін салса әлем рекордын жаңартып қалуы әбден мүмкін.
Аягөз ФАЗЫЛБЕКҚЫЗЫ
Жеті баланың әкесі техникадан түрлі көлік құрастырады. (далее…)
Қостанай облысындағы ауыл мектептерінде жасанды интеллектіні қолдану үрдісі бірте-бірте еніп келеді. (далее…)
Торғай даласында қайта жерсіндірілген кертағылардың саны артып келеді. Бұған дейін Қазақстанға әкелінген түз жылқыларының арасынан…
Жангелдин ауданында жастарды жұмыспен қамту және кәсіп бастауына қолдау көрсету жұмыстары жүргізіліп жатыр. Биыл ауданда…
Қостанай облысында тұрғындар «Орталық – Батыс» автожолының Торғай – Ырғыз учаскесінің құрылысына қатысты сұрақ қойды.…
Биыл мұнда сафлор алқабы 30 пайызға артты (далее…)
This website uses cookies.