Главные новости Джангельдинского района – Qostanai Media

Ауылға көңіл бөлінді

Мемлекет басшысы Қасым-Жомарт Тоқаев халықтың әл-ауқатын арттыру және ауылдық инфрақұрылымды дамыту жөніндегі тапсырмалары аясында, сондай – ақ облыс әкімінің жұмыс жиынында берілген нақты тапсырмаларға сәйкес, Қалам-Қарасу ауылының кіреберіс жолына асфальт жабындысын төселіп жатыр.

Қазіргі уақытта ауыл, ауылдық округтердің арасында бәсекелстік артып келеді. Кезінде «Болашаққа бағдар: рухани жаңғыру» бағдарламасының «Туған жерге тағзым» жобасы бойынша бірқатар ауылдың замана көшіне ілесіп, даму үрдірсін жолға қойған еді. Сол уақытта кейбір шағын ауылдар көш соңында қалып, әлеуеті мен экономикасы құлдырап, жергілікті тұрғындардың басқа жаққа қоныс аударуына себепші болды. Бірақ, әйтеуір қаңырап бос қалған елді мекендер болған жоқ. Соған да шүкір деп қуандық. Ал, бүгінгі күні ауылдарда инфрақұрылым жұмыстары жанданды. Туған жердің перзенттері ауылдың дамуына үлес қосып жатыр. Оның сыртында республикалық, облыстық, аудандық бюджеттерден қаржы бөлініп, ауылдарға көңіл бөлінуде. Солардың қатарында Қалам – Қарасу ауылдық округі де бар. Мәселен, ауылдың кіреберіс көтерме жолына асфальт жабындысы төсеу құрылыс жұмыстары қарқын алды.

«Аталған жол учаскесі 700 метрді қамтиды. Бұл- ауыл тұрғындары үшін аса маңызды бағыт, өйткені күнделікті қозғалыстың негізгі бөлігі осы жол арқылы жүзеге асады. Жобаның жалпы кұны 49 591 748 теңгені құрайды. Құрылыс жұмыстарын тәжірибесі мол мердігер ұйым «ЛидерСтрой 2002» жауапкершілігі шектеулі серіктестігі жүзеге асыруда. Жұмыстар жоспарға сәйкес кезең-кезеңімен атқарылып жатыр. Бұл жоба ауыл тұрғындарының өмір сүру сапасын арттыруға, көлік қатынасын жақсартуға, сондай-ақ, ауыл инфрақұрылымын жүйелі түрде дамытуға оң ықпалын тигізетіні сөзсіз», – дейді округ әкімі Берік Мұхамбедин.

Құрылыс жұмыстары сапалы әрі уақытылы аяқталса, тұрғындарға жайлы әрі қауіпсіз жол инфрақұрылымы қолжетімді болады деген үміт бар.

Байбатыр АХМЕТБЕК