Жас мамандар өзара бақ сынады
Аудандық тілдерді оқыту орталығының ұйымдастыруымен мемлекеттік қызметкерлер арасында тіл білгірлерін анықтауға бағытталған «Тіл шебері» байқауы өтті.
«Байқаудың басты мақсаты – қазақ, орыс және ағылшын тілдерін жетік меңгерген, тіл мәдениеті жоғары, ойы ұшқыр азаматтарды қолдау және насихаттау», – дейді ұйымдастырушылар.
«Тіл – тұғырым» – қатысушылар берілген тақырып бойынша қазақ тілінде эссе жазды. «Тіл дарын» – ілеспе аударма кезеңінде қатысушылар мәтінді бір тілден екінші тілге аударып, тілдік икемдерін сынға салды. «Тіл өнер» – қатысушыларға ұсынылған бейне немесе сурет мазмұнын ағылшын тілінде баяндап, өз ойларын еркін әрі нақты жеткізді.
Қазылар алқасының шешімімен бірінші орынды Марғұлан Қасымбек жеңіп алып, облыстық кезеңге өтті. Екінші орынды Ғалинұр Сүндетбаев иеленді. Үшінші орынды Ақбота Мерекеқызы иемденді.
Мәдениет және тілдерді дамыту бөлімінің басшысы Жанар Асанқанқызы қорытынды сөз сөйлеп, жеңімпаздар мен қатысушыларға алғыс хаттар мен естелік сыйлықтар табыстады.
«Тіл шебері» байқауы – мемлекеттік қызметтегі кәсіби мамандардың үш тілде еркін сөйлеуін дәріптеген тағылымды іс-шара болды. Көптілділікті қолдау – кемел келешекке бастар даңғыл жол екені тағы бір мәрте дәлелденді.
Байбатыр АХМКТБЕК
Қосылбай Құтмағанбетов – ширек ғасырға жуық уақытын өрт сөндіру қызметіне арнаған тәжірибелі маман. (далее…)
Облыс әкімдігінде өткен аппараттық жиында 2027 жылғы су тасқыны кезеңіне дайындық барысы қаралды. (далее…)
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Қостанай облысына іссапары барысында Торғай…
2027 жылғы көктемгі су тасқынына дайындық облыс әкімдігінде өткен аппарат кеңесінде талқыланды. (далее…)
Туған жерді түлету ағаш отырғызудан басталады. (далее…)
This website uses cookies.