Главные новости Джангельдинского района – Qostanai Media

Жыры бітсе де, сыны бітпеген су тасқынынСаға ауылы да зардап шекті. Үйлері суға кетпегенмен лекерлеп ұстап отырған көтерме жолды сең бұзып, елді сергелденге салғаны баршамызға белгілі. Қарқыны қатты қарғын су табиғи апатқа жалғасып, елдің зәре – құтын қашырды. «Қоңыраулы» өзені арнасынан асып, шабындық пен жайылымға шыққан су тосқауыл жасап, бөгеседе бой бермеген. Сын сағатта жұдырықтай жұмылып, ауыл азаматтары табиғи апатқа қарсы тұрды.

«Су тасқыны кезінде ауылдағы жарамды барлық техникалар жұмылдырылды. Ауылда қалған барлық азаматтар атсалысты. Сыртта жүрсе де елдің амандығын тілеп отыратын мен ел перзенттері «бір жағадан бас, бір жеңнен қол шығарып» қор ашып, қаражат жинады. Ауыл азаматтары жиналған қаражатқа азық – түлік, жанар-жағармай және басқа да гуманитарлық көмектерді уақытылы жеткізіп отырды. Бірліктің арқасында табиғи апатқа тосқауыл болып, өте ауыр сынақтан аман есен өттік», – дейді округ әкімі Қайсар Нұрғазин.

Табиғи апатпен арпалысқан азаматтар қазіргі бейбіт күннің батырлары десек, қателеспейміз. Олардың елелулі еңбектері ескерусіз қалған жоқ. Су тасқынының зардаптарын болдырмай, тосқауыл жасап, жою жұмыстарына белсенді араласқан азамат, азаматшаларға аудан әкімі Шота Оспанов облыс әкімінің грамоталарын салтанатты түрде табыстады. Сонымен қатар, аудан әкімінің грамотасымен 12 адамды марапаттады.

Қызбел ауылдық округінің әкімі Қайсар Сұлтанбекұлы мен жеке кәсіпкер Бәйгерей Балғаұлы су тасқынында белсенділік танытып, халық ықыласына бөленген Ерден Социалұлының үйіне арнайы барып, облыс әкімінің құрмет грамотасын табыс етті. Жұмағали Іңірбаевта осы марапаттың лайықты егесі болды. Облыс әкімі аппаратының грамотасы, Қызбел ауылдық округі әкімі апаратының бас маманы Айгерім Қожахметова табысталды.

Байбатыр АХМЕТБЕКОВ