Жақында Қостанай қаласында облыстық «SUPER LIGA» Жайдарман ойындарының жартылай финалы өтті.
Байрақты бәсекеде аудан намысын қорғаған «Торғай» құрамасы сахнада өнер көрсетіп, көрермендердің ықыласына бөленді.
Облыстық деңгейдегі сайыста команда мүшелері тапқыр әзілдерімен, сахналық шеберлігімен және тың идеяларымен ерекшеленуге тырысты. Жартылай финалға дайындық барысында жастар өзара бірлесе жұмыс істеп, қойылымдарының мазмұны мен сапасына ерекше көңіл бөлді.
-«SUPER LIGA» жартылай финалына қатысу команда мүшелері үшін үлкен мәртебе әрі ерекше тәжірибе болды. Аудан намысын қорғап, сахна төрінде өнер көрсету – зор жауапкершілік. Бұл сайыс бізге жаңа шабыт, ерекше әсер және мол тәжірибе сыйлады. Өз өнерімізді көрсетіп, көрермендердің ыстық ықыласына бөленгенімізге қуаныштымыз, – дейді «Торғай» құрамасының мүшесі Нұртілек Дәулетұлы.
Оның айтуынша, команда алдағы уақытта да ауданның атын асқақтатып, биік белестерді бағындыруға күш салмақ. Сондай-ақ ол өздеріне сенім білдіріп, қолдау көрсеткен барша жанкүйерге алғысын жеткізді.
Жайдарман – жастардың шығармашылық қабілетін шыңдап, ой ұшқырлығын дамытатын, сахна мәдениетін қалыптастырып, топпен жұмыс істеуге баулитын маңызды алаң. Осындай байқаулар жас өнерпаздарға тәжірибе жинақтап, өз қабілеттерін танытуға мүмкіндік береді.
Шұға АҢСАҒАНҚЫЗЫ
Су ресурстары және ирригация министрі Нұржан Нұржігітов Қостанай облысына жұмыс сапары барысында өңірдегі бірқатар су…
Қостанай облысы әкімдігінде өткен әлеуметтік-экономикалық дамудың тоғыз айлық қорытындысына арналған жиында өңір экономикасының өсімі мен…
Қосылбай Құтмағанбетов – ширек ғасырға жуық уақытын өрт сөндіру қызметіне арнаған тәжірибелі маман. (далее…)
Облыс әкімдігінде өткен аппараттық жиында 2027 жылғы су тасқыны кезеңіне дайындық барысы қаралды. (далее…)
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Қостанай облысына іссапары барысында Торғай…
This website uses cookies.