Б.Хамзин атындағы өнер мектебі жыл сайын дәстүрлі түрде ХV аудандық “Таланаттарды іздейміз” атты ән байқауын ұйымдастырып келеді
Айтулы іс – шара Қазақ ССР – нің еңбек сіңірген мәдениет қайраткері, сазгер Болат Хамзаұлының туған күніне орай өтті. Мақсат, сазгердің сырлы сазды әуендерін өскелең ұрпаққа кеңінен насихаттап, өнерлі балалардың санасына сіңіру. Байқауға Сарысу, Шұбалаң негізгі мектебінің және Ы.Алтынсарин, Қ.Жармағанбетов, Ғ.Қайырбеков, А.Қоңқабаев, Қ.Топаев, Амангелді жалпы білім беретін мектептерінің өнерлі оқушылары қатысып, бақтарын сынады. Ұйымдастырушылар тарапынан ешқандай кемшілік жоқ. Барлық мектептерге байқаудың ережелері мен арнайы қатынас қағаз жолдаған. Өкініштісі, бұл байқауға 11 мектептен бала қатыспаған.
Мүмкін карантиндік шектеулерді сыныққа сылтау етті ме екен. Ол әзірге бізге беймәлім. Десекте, жылына бір рет өтетін байқауға атсалысып, өнерлері балалардың есімін жалпақ жұртқа танытудан жалықпауымыз керек. Оның үстіне ән байқауы онлайн форматта “Инстаграм” желісі арқылы өтті.
Байқау қорытындысы бойынша әділ – қазылар алқасының шешімімен 1 орынды Қ.Жармағанбетов мектебінің 8 сынып оқушысы Аят Жұмабек жеңіп алды. 2 орынды Амангелді орта мектебінің 10 сынып оқушысы Жансұлу Әбдіғапар иеленді. 3 орын Шұбалаң негізгі мектебінің 5 сынып оқушысы Дина Жұмабектің еншісіне бұйырды. “Инстаграм” парақшасында ең көп лайк жинаған Ы.Алтынсарин мектебінің 7 сынып оқушысы Арнұр Дүйсенбай “Жұлдызды әнші” номинациясына лайықты деп бағаланды. Жеңімпаздар мадақтамалармен марапатталды.
Байбатыр НИЯЗБЕКҰЛЫ
Жангелдин ауданында жастарды жұмыспен қамту және кәсіп бастауына қолдау көрсету жұмыстары жүргізіліп жатыр. Биыл ауданда…
Қостанай облысында тұрғындар «Орталық – Батыс» автожолының Торғай – Ырғыз учаскесінің құрылысына қатысты сұрақ қойды.…
Биыл мұнда сафлор алқабы 30 пайызға артты (далее…)
Жангелдин ауданында 1 қыркүйек – Білім күніне орай 19 білім беру ұйымында «Ыбырайдың қоңырауы –…
Қостанайда зияткерлік квиздің жеңімпаздары анықталды (далее…)
This website uses cookies.