Әулиекөл ауданына қарасты Аманқарағай ауылындағы алапат өрттің салдарынан жапа шеккен жандарға әлеуметтік көмек әр тараптан келіп жатты
Ешкім бей – жәй қарап қалған жоқ. Ел болып бірлік танытып, қолдарынан келгенше жәрдемдесті. Осы орайда Жаркөл ауылдық округі, Тәуіш ауылының кішкентай тұрғыны, Қаратүбек жалпы білім беретін мектебінің 3 сынып оқушысы Мұхтар Мүсір көпке үлгі болатын қайырымды іс жасады. Ол өзі жинап жүрген тиын салғыштағы (копилка) барлық ақшасын алып, ауыл әкімшілігіне барады. Сол жердегі билік өкілдеріне тиын мен қағаз ақшасын беріп, әулиекөлдіктердің есеп шотына көмек ретінде аударыңыздар, менің де қосқан үлесім болсын деп ерлік танытқан. 9 жасар баладан мұндай ерлік күтпеген әкімшілік қызметкерлері Мұхтар Темірханұлының қайырымды ісіне тәнті болған. Олар сол арада аудандық білім бөліміне және жергілікті мектеп басшылығына қоңырау шалып, тосын жаңалықты хабарлаған. Қаратүбек жалпы білім беретін мектебінің директоры Ғабдымәжит Ғазезұлы мектеп мұғалімдері мен оқушылардың басын қосып жиын өткізіп, Мұхтардың жасаған қайрымыды ісін паш етті. Көпшіліктің алдында марапаттап, естелік сыйлық тапсырды. Артынша, аудандық білім бөлімі басшысының міндетін атқарушы Абай Қасым аудан орталығына шақырып алып, елдің атынан алғысын білдірді. Алғыс хат тасырып, сый-сияпат жасады. Балиғат жасқа толмаған баладан қайырымдылықтың үлгісін алып, көпшіл, кең пейіл болған дұрыс.
– Біз Мұхтардың дәл осындай ерлігіне сүйсіндік. Бала болса да елде болып жатқан қайырымдылық шараларға өз үлесін қосып отыр. Жалпы, мектепте де үлгілі оқушы. Тіл алғыш, үлкенді құрметтеуге келгенде алдына жан салмайды. Кішіпейіл, қолынан келгенше жәрдемдесуге құлшынып тұрады. Ата- анасынан алған тағылымды тәлім тәрбиесі деп білеміз,- дейді мектеп әкімшілігі.
Байбатыр АХМЕТБЕКОВ
Аймақ басшысы Құмар Ақсақалов Жангелдин ауданына жұмыс сапарымен барып, Торғайдағы тұрғын үй құрылысы, абаттандыру және…
Жангелдин ауданында жыл басынан бері қаржылық алаяқтық бойынша бір қылмыстық іс тіркелген. (далее…)
Шеген ауылының тумасы, жерлесіміз Ахмет Есен халықаралық додада ел намысын абыроймен қорғап, жеңіс тұғырынан көрінді.…
Торғай өңірінің медицина саласына жаңа маман қосылды. (далее…)
Қостанай облысында этносаралық келісімді нығайтуға, қазақстандық бірегейлікті қалыптастыруға және қоғамдағы өзара сыйластық құндылықтарын дәріптеуге бағытталған…
Ақынның мерейтойына Мемлекет басшысы құттықтау жолдады. (далее…)
This website uses cookies.