«Ерлік даңқы өшпейді» атты тағзым рәсімі өтті.
2026 жылғы 9 мамыр күні Жангелдин ауданында Ұлы Жеңістің 81 жылдығына арналған «Ерлік даңқы өшпейді» атты гүл шоғын қою рәсімі өтті. Тағылымды шара аудан орталығындағы Мәңгілік алау жанында ұйымдастырылды.
Іс-шараға аудан әкімі Дінмұханбет Бидашев, ардагерлер кеңесінің мүшелері, тыл ардагерлері, ауған соғысының ардагерлері, Чернобыль апатының ардагерлері, құқық қорғау органдарының қызметкерлері, мекеме басшылары мен аудан тұрғындары қатысты.
Салтанатты жиында Жеңіс күнінің тарихи маңызы айтылып, Отан үшін жанын қиған боздақтардың рухына тағзым жасалды. Қатысушылар бір минут үнсіздік жариялап, майдангерлерді еске алды.
Шара барысында Оспан Қожа әулие мешітінің бас имамы Әбдісалықов Айдос Серікұлы Құран бағыштап, ел тыныштығы мен бейбіт өмір үшін дұға жасады.
Одан кейін Мәңгілік алауға гүл шоқтарын қою рәсімі өтті. Аудан әкімі мен қоғам өкілдері Ұлы Отан соғысында қаза тапқан жауынгерлердің рухына тағзым етіп, ескерткішке гүл шоқтарын қойды.
Жиында аудан әкімі Бидашев Дінмұханбет сөз сөйлеп, ардагерлерге құрмет көрсетудің маңыздылығына тоқталды. Сондай-ақ Ардагерлер кеңесінің төрағасы Тойғанбол Нұрханов кейінгі ұрпақты елін сүюге, бейбіт өмірдің қадірін білуге шақырды.
Сымбат КЕНЖЕҒАЛИ
Суреттерді түсірген – автор
Ауылдың таңымен бірге оянып, оның әрбір қуанышы мен мұңын жүрегінен өткізетін жандар болады. (далее…)
Әлім Бақытжан Әлімнің кәсіби жетістіктері жоғары бағалануда. (далее…)
Нуржамал Баяхметовна говорит, что о вручении награды такого уровня узнала за дня три до мероприятия…
Қазақстанда соңғы бес жылда балалар құқығын қорғау мен тұрмыстық зорлық-зомбылыққа қарсы күрес саласында заңнамалық деңгейде…
Өтінімдер қашан және қалай қабылданады? (далее…)
Торғай өзенінің бойында орналасқан, ғасырға жуық тарихы бар ескі ағаш көпір осыдан екі жыл бұрын…
This website uses cookies.