Жангелдин ауданында 28 жаңа тұрғын үй салынуда

Жангелдин ауданында халықты тұрғын үймен қамтамасыз ету және алдағы жылу беру маусымына дайындық жұмыстары жүйелі түрде жүргізілуде.

Әсіресе әлеуметтік осал топтарға жататын азаматтардың баспана мәселесін шешуге басымдық беріліп отыр.

2026 жылы осы санаттағы азаматтар үшін ауданда 28 жаңа тұрғын үйдің құрылысы қолға алынған. Қазіргі уақытта тұрғын үй кезегінде әлеуметтік осал топтар санатындағы 35 азамат тіркелген. Жаңа баспаналар құрылыс жұмыстары аяқталғаннан кейін «Отбасы банк» арқылы белгіленген тәртіпке сәйкес кезең-кезеңімен берілетін болады.

Аудан әкімі Дінмұханбет Бидашевтің айтуынша, тұрғындарды баспанамен қамту – әлеуметтік саясаттың маңызды бағыттарының бірі. Жаңа тұрғын үйлер кезекте тұрған азаматтардың тұрғын үй жағдайын жақсартуға мүмкіндік береді.

Сонымен қатар аудан тұрғындарын қысқы кезеңде үздіксіз көмірмен қамтамасыз ету мәселесі де назардан тыс қалған жоқ.

2026-2027 жылдардағы жылу беру маусымына дайындық аясында аудан бойынша барлығы 20 720 тонна көмір жеткізу жоспарланған. Бүгінгі күнге дейін 17 157 тонна көмір жеткізіліп, жоспардың 91 пайызы орындалды.

Ауданда тұрғын үй құрылысы мен көмір жеткізу жұмыстары белгіленген жоспарға сәйкес жалғасуда. Бұл шаралар тұрғындардың әлеуметтік жағдайын жақсартуға және алдағы қысқы кезеңді тұрақты өткізуге бағытталған.

Шұға ҚОҢҚАБАЙ
Суретті түсірген – Бердіболат КӨРКЕМБАЕВ

admin

Recent Posts

Денисов жастарының еңбек нарығындағы белсенділігі артты

Денисов ауданында жастарды жұмыспен қамту деңгейі артқан. (далее…)

2 часа ago

В Узункольском районе, на сцене РДК, прошёл районный этап областного вокального конкурса «Дала дауысы»

Название, которое переводится как «Голос степи», точно отражающее суть: простор Родной земли, уважение к традициям…

3 часа ago

Жангелдинде мал шаруашылығын қолдау мәселесі күн тәртібінде

Жангелдин ауданының экономикасында ауыл шаруашылығы жетекші орын алады. (далее…)

4 часа ago

Құрылтай депутаттары туған Торғайын түлетті

Туған жердің табиғатын түлетуге бағытталған игі бастамаға Құрылтай депутаттары қолдау білдіріп, аудан тұрғындары жаппай атсалысты.…

2 дня ago

Жангелдин ауданы: Теңге тарихы мен қаржы саласының жауапты еңбегі

Жангелдин ауданының тарихы ел тәуелсіздігінің қалыптасу кезеңімен сабақтас. (далее…)

6 дней ago

This website uses cookies.