Құрылтай депутаттары туған Торғайын түлетті

Туған жердің табиғатын түлетуге бағытталған игі бастамаға Құрылтай депутаттары қолдау білдіріп, аудан тұрғындары жаппай атсалысты.

Туған жердің көркеюі – оған деген жанашырлықтан басталады. Ал елді мекеннің жасыл желекке бөленуі – бір күндік жұмыстың емес, ортақ жауапкершілік пен тұрақты еңбектің нәтижесі. Осыны мақсат еткен Торғай өңірінде «Таза Қазақстан» республикалық экологиялық бағдарламасы аясында ауқымды көгалдандыру шарасы ұйымдастырылды. Астана қаласынан арнайы жеткізілген 500 түп көшет аудан орталығы мен Аралбай ауылының аумағына отырғызылды.

Игі бастамаға Торғай өңірінің тумалары, Құрылтай депутаттары Ербол Адаев, Шынасыл Ерназаров және Шота Оспанов қолдау көрсетті. Олардың көмегімен жеткізілген көшеттерді отырғызу жұмысына 200-ге жуық адам қатысты. Мемлекеттік және бюджеттік мекемелердің қызметкерлері де ортақ іске жұмылып, аудан саябақтарын көгалдандыруға және аумақты тазартуға атсалысты.

Торғай селосының әкімі Кемеңгер Қарағұлұлының айтуынша, аудан орталығындағы шамамен төрт гектар аумаққа 450 түп көшет отырғызылған. Оның ішінде 150 түп қарағаш, 200 түп ирга және 100 түп ырғай бар. Ал қалған 50 түп көшет Аралбай ауылына жөнелтілген.

– Ел қамын ойлап, туған жердің көркеюіне қолдау білдірген азаматтарға алғысымызды айтамыз. Депутаттарымыздың көмегімен аудан орталығындағы саябақтар жаңа көшеттермен толықты. «Таза Қазақстан» бастамасы аясындағы мұндай жұмыстар алдағы уақытта да жалғасып, өңіріміздің экологиялық жағдайын жақсартуға және қоғамдық орындарды көркейтуге ықпал етеді деп сенеміз, – дейді ауыл әкімі.

Жасыл желектің көбеюі елді мекеннің ажарын ашып қана қоймай, қоршаған ортаның сауығуына да септігін тигізеді. Әсіресе, ағаш отырғызу жұмысына түрлі сала өкілдерінің бірлесіп қатысуы – қоғамдағы ынтымақ пен ортақ іске деген жауапкершіліктің көрінісі. Бірі көшет отырғызса, енді бірі оны күтіп-баптауға үлес қосады. Осындай қарапайым қадамдар арқылы табиғатты қорғау мәдениеті қалыптасады.

Дегенмен, егілген көшеттердің жерсініп, жайқалып өсуі үшін алдағы уақытта жүйелі күтім қажет. Өйткені бүгін топыраққа тамыр жайған әрбір көшет ертеңгі күні саялы баққа айналып, келер ұрпаққа қалатын жасыл мұра болмақ.

Шұға ҚОҢҚАБАЙ,
Суреттерді жолдаған Торғай селосының әкімі

admin

Recent Posts

Жангелдин ауданы: Теңге тарихы мен қаржы саласының жауапты еңбегі

Жангелдин ауданының тарихы ел тәуелсіздігінің қалыптасу кезеңімен сабақтас. (далее…)

4 дня ago

Торғай төріндегі Нұрхан ақынның қара шаңырағы

Халық ақынының өмірінен сыр шертетін құнды жәдігерлер. (далее…)

4 дня ago

Жангелдин ауданы: Екі оқушы республикалық жеңіс төрінде!

«Ақберен» байқауында аудан намысын қорғаған қос шәкірт те жүлделі оралды. (далее…)

5 дней ago

Жангелдин ауданы: Шалғай ауылдарға да жылдам интернет жетеді

Жангелдин ауданында цифрлық инфрақұрылымды дамыту бағытындағы жұмыстар жалғасуда. (далее…)

5 дней ago

This website uses cookies.