Ауылда қысқы спортқа жаңа мүмкіндік.
Жангелдин ауданының Торғай ауылында көпфункционалды жабық хоккей корты пайдалануға берілді. Жаңа спорт нысаны ауыл тұрғындарына, әсіресе жастарға қысқы спорт түрлерімен тұрақты айналысуға мүмкіндік береді.
Жоба облыстық бюджет есебінен жүзеге асқан. Нысан құрылысына 232 миллион теңге бөлініп, мердігер ұйым 2023 жылы мемлекеттік сатып алу конкурсы арқылы анықталған. Құрылыс жұмыстары 2024 жылы басталып, өткен жылдың шілде айында толық аяқталған.
Жанкелдин ауданының әкімі Дінмұханбет Бидашевтің айтуынша, бұған дейін өңірде қысқы спорт түрлерін дамытуға арналған инфрақұрылым жеткіліксіз болған. Сондықтан халықтың сұранысын ескере отырып, бұқаралық спортқа қолжетімділікті арттыру мақсатында жаңа спорт нысандарын салу жұмыстары кезең-кезеңімен жүзеге асырылып келеді.
Жергілікті тұрғындар да жаңа нысанның ашылуын қуанышпен қабылдады. Олардың айтуынша, мұндай спорт алаңдары жастардың спортқа деген қызығушылығын арттырып, ауылдан жаңа спортшылардың шығуына жол ашады.
Қазіргі уақытта хоккей кортында мұз қатыру жұмыстары жүргізілген. Енді спорт нысаны жергілікті тұрғындардың игілігіне ұсынылып, қысқы спорт түрлерін дамытуға қызмет етпек.
Шұға ҚОҢҚАБАЙ
Суреттер жергілікті тұрғындардан алынды
Өтінімдер қашан және қалай қабылданады? (далее…)
Торғай өзенінің бойында орналасқан, ғасырға жуық тарихы бар ескі ағаш көпір осыдан екі жыл бұрын…
Құқық бұзушылықтың алдын алу шаралары туралы Жангелдин аудандық сотының судьясы Нұргүл Сәулен айтып берді (далее…)
Торғай өңіріне Чехиядан Пржевальский жылқыларының кезекті партиясы жеткізілді. Жабайы жылқының әлемдегі жалғыз түрін сақтап қалуға…
Қалам-Қарасу қалай «Үлгілі ауылға» айналды? (далее…)
Еліміздің түкпір-түкпірінде қарапайым еңбегімен елдің алғысына бөленіп, ауыл өмірін алға сүйреп жүрген жандар аз емес…
This website uses cookies.