Карантиндік шектеулерге байланысты, есеп беру жиыны “Facebook” әлеуметтік платформасы арқылы онлайн режимінде өтті
Статистикалық мәліметтер бойынша Торғай ауылында 4284 адам тұрады. Оның ішінде экономикалық белсенді топқа 2751 адам жатады екен. 2020 жылы 90 сәби жарық дүние есігін ашқан. 543 зейнеткер, 102 мүмкіндігі шектеулі жандар бар. 63 отбасы атаулы әлеуметтік көмекті уақытылы алып отырады. Жыл ішінде 91 адам қоғамдық жұмысқа тартылған. Жастар практикасынан 16 жас маман өткен. Торғай ауылы бойынша 2 базар, 44 дүкен, 8 дәмхана, 2 қонақ үй кешендері, 1 жихаз жасау цехы, 3 шаштараз, 1 сұлулық салоны, 2 жанар май құю станцалары, 2 газ құю бекеті, 1 компьютер жөндеу орталығы қалыпты жұмыс жасап келеді. Нәтижелі жұмыспен қамту бағдарламасы аясында “Еңбек”, “Игілік” бағдарламаларына 14 тұрғыны қатысып, 39 млн 260 мың көлемінде несие алған. Жаңа бизнес жобаларын іске асыру үшін 555 600 теңгеден дейін 4 адамға 2 млн 222 мың 400 теңге қайтарымсыз несие берілген.
Торғай ауылы бойынша былтырғы жылы бірқатар ауқымды жұмыстар атқарылды. Облыстық, республикалық бюджеттерден қаржы бөлініп, 5 көшеге асфальт жабындысы төселді. Жаяу жүргіншілер жолы салынып, темір шардақтар орнатылды. Орталық алаңдағы, көше бойларындағы белдеулер, қоршаулар, шарбақтарға толығымен ағымдағы сырлау жұмыстары жүргізілді. Сонымен қатар, қараусыз қалған үйлер ақталып, сырланды. Бүкіл қазақстандық бірегей ағаш отырғызу күніне орай 250 түп көшет ағаштары отырғызылған. Ауыл көшелерін жарықтандыру бағдарламасы бойынша 8 128,0 млн теңге қаралған. Бөлінген қаржы электротехникалық тауарлар сатып алуға мақсатты жұмсалған. Өткен жылғы есеп беру жиынында тұрғындар тарапынан айтылған ұсыныс – пікірлер толығымен орындалған.
Мәселен, Құлжановтар және Мәуленов көшелеріне жөндеу жұмыстарын жүргізген уақытта көшелердің қиылысындағы бұрынғы 1 метрлік су құбырының орны ауыстырылды. Мәуленов көшесінің қарсы бетіндегі 0,5 метрлік су құбыры жаңадан салынды. Ағаш көпірді жөндеу үшін ауыл әкімдігінің балансына алу мақсатында жүргізілген жұмыстар оң нәтижесін берген. Алдағы уақытта күрделі жөндеу жүргізіледі деп күтілуде. Жиын соңында ауыл әкімі Кеменгер Қарағұлұлы уақыт еншісіндегі ауқымды жұмыстарға тоқталды. Бұзылған үйлердің орындарын тегістеу жұмыстары жалғасатын болады.
“Жастар” саябағына абаттандыру жұмыс жоспарында бар. Көшелерді жарықтандыру мәселесі күн тәртібінен түспейді. Ауыл шаруашылығын қолдау және кәсіпкерлікті дамыту бойынша мемлекеттік бағдарламаларға жергілікті тұрғындарды қатыстыру үшін насихат жұмысы жүргізілетін болады. Әлеуеметтік желі арқылы қойған тұрғындардың сауалдарына жауап берді.
Аудан әкімі Шота Оспанов ауыл әкімінің жыл бойына атқарған жұмысына қанағаттанарлық бағасын берді. Келешекте жүйелі түрде жұмыс жүргізіп, ауылдың гүлденуіне, экономикасының дамуын зейін қойып, басымдық бағытта қызмет жасауды тапсырды.
Байбатыр АХМЕТБЕК
Тасқын судан зардап шеккен аудандардың бірі әрі күрделісі Жанкелдин ауданы болып саналады. (далее…)
Жарықсыз отырған елді мекендер байланысқа шықты. (далее…)
Қуанышпен қауышқан жанұялардың жүзі жарқын. (далее…)
Ауыл тұрғындары майшамға телміріп отыр (далее…)
Тасқын судың зардабын шеккен шағын ауылдың тұрғындары үйсіз қалды. (далее…)
This website uses cookies.