23 тамыз 2026 жылы Қазақстанда тарихи маңызы бар оқиға болды. Алғаш рет қазақстандықтар Құрылтай депутаттарын сайлады. Азаматтар бір палаталы Парламентте қай партиялар және қанша мандатпен ұсынылатынын анықтады.
Орталық сайлау комиссиясы жариялаған сайлау қорытындысына сәйкес, жаңартылған органда бес партия өкілдік етеді. «Әділет» партиясы – 71,17% (6 528 948 дауыс), 110 мандат, Жалпыұлттық социал-демократиялық партия (ЖСДП) – 5,11% (469 058 дауыс), 8 мандат, «Ауыл» халықтық-демократиялық патриоттық партиясы – 6,26% (574 621 дауыс), 10 мандат, Қазақстанның «Ақ жол» демократиялық партиясы – 5,21% (478 083 дауыс), 8 мандат, Respublica партиясы — 5,56% (509 631 дауыс), 9 мандат.
Орталық сайлау комиссиясының мәліметінше, барлығы 9 352 151 адам дауыс берген. Қостанай облысында сайлаушылардың келу көрсеткіші 76,47% болды.
Құрылтай алғашқы депутаттары болып Қостанай облысынан 4 адам сайланып отыр. Олар – «Әділет» партиясы атынан Екатерина Смяшляева, Наталья Рамазанова, Шота Оспанов, Respublica партиясы атынан Айдарбек Ходжаназаров.
Құрылтай депутаты болып сайланған жерлестеріміздің арасында Шота Оспанов – Торғай өңірінің тумасы. Мемлекеттік қызметте тәжірибесі бар Шота Сәбитбекұлы бұған дейін Жангелдин ауданын басқарған, Қостанай облысы әкімінің оңтүстік өңірлер жөніндегі кеңесшісі болды.
Еске салайық, 2026 жылғы 1 шілдеде 15 наурызда республикалық референдумда қабылданған жаңа Конституция күшіне енді. Осыдан кейін Мәжіліс пен Сенат жұмысын тоқтатып, депутаттардың өкілеттігі тоқтатылды.
Жаңа Конституция бір палаталы Парламент – Құрылтайды қарастырады. Оның құрамына бес жыл мерзімге сайланатын 145 депутат кіреді.
Шұға ҚОҢҚАБАЙ
Қосылбай Құтмағанбетов – ширек ғасырға жуық уақытын өрт сөндіру қызметіне арнаған тәжірибелі маман. (далее…)
Облыс әкімдігінде өткен аппараттық жиында 2027 жылғы су тасқыны кезеңіне дайындық барысы қаралды. (далее…)
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Қостанай облысына іссапары барысында Торғай…
2027 жылғы көктемгі су тасқынына дайындық облыс әкімдігінде өткен аппарат кеңесінде талқыланды. (далее…)
Туған жерді түлету ағаш отырғызудан басталады. (далее…)
This website uses cookies.