Ол дүниеден өткен полиция қызметкерлеріне арналды
Жангелдин аудандық Полиция бөлімінің және аудан әкімшілігінің, Ұрпақтар сабақтастығы, тәрбиелік, патриоттық іс-шарасы шеңберінде қызмет бабында қаза болған және дүниеден өткен полиция қызметкерлерін есте сақтау, сонымен бірге жас ұрпаққа отансүйгіштік тағлым мақсатын көздеген ескерткіш тақта қойылды.
Іс-шараға аудан әкімінің орынбасары Роза Аққалиева, мекеме-кәсіпорны басшылары, Торғай ауылының ардагерлер кеңесінің төрағасы Жылқыбай Бәкіров, Аудандық полиция бөлімінің ардагері Құдайберген Әміржанұлы, мектеп оқушылары және жергілікті тұрғындар қатысты. Қазіргі таңда полиция департаменті жас ұрпақты Отанға лайықты қызмет ету рухында патриоттық тәрбиеге ерекше көңіл бөледі. Жастар Халық қаһарманы Ғазиз Байтасов пен Шалқар Ақымғалиевтің ерліктері мен жанқиярлығын үлгі тұтады. Бұған дейін облыстағы бес ауданда осындай ескерткіш ашылған болатын. Ескерткіш Жангелдин ауданының полиция бөлімі мен аудан әкімшілігінің мұрындық болуымен орнатылды.
«Бұл ескерткіш тақтасы-ержүрек әріптесімізге деген шексіз алғысымыздың дәлелі. Полиция қызметкерлерінің өз ісін жақсы көруі және нағыз кәсіби болуы маңызды. Облыста қызметтік борышын орындау кезінде 42 полицей көз жұмды, оның 11-і қылмыскерді ұстау кезінде ажал құшты»,-деп атап өтті полиция департаменті арнайы жұмылдыру дайындығы басқармасының бастығы Ерлан Мусин.
Ішкі істер органдарның ардагері Құдайберген Әміржанұлының айтуынша, Жангелдин ауданы үшін ескерткіштің ашылуы ешкімді бей-жай қалдырмайды. Өткенді еске алу –бұл бүгінгінің ісі. Бұл жас ұрпақты құрмет пен патриоттыққа тәрбиелеудің ғажап үлгісі.Артынша, іс-шара жергілікті өнерпаздардың дайындаған концерттік бағдарламасымен жалғасты.
«Біздің Торғай»
Жарықсыз отырған елді мекендер байланысқа шықты. (далее…)
Қуанышпен қауышқан жанұялардың жүзі жарқын. (далее…)
Ауыл тұрғындары майшамға телміріп отыр (далее…)
Тасқын судың зардабын шеккен шағын ауылдың тұрғындары үйсіз қалды. (далее…)
Тәуіш ауылының тұрғындары алаңдаулы (далее…)
This website uses cookies.