Өңірімізде атқарылып жатқан жұмыстармен танысты
Өткен аптаның аяғында облыс әкімі Архимед Мұхамбетов ауданымызға іс – сапармен келіп, күрделі жөндеу жұмыстары аяқталған бірқатар нысандарды аралады.
Алдымен аймақ басшысы Шұбалаң ауылындағы таскөпірге жасалған құрылыс жұмыстарымен танысты. Мердігер «АЛЮМИНСТРОЙ» жауапкершілігі шектеулі серіктестігінің директоры Абай Мұқанов мердігерлікпен міндетіне алған жұмыстарын баяндады.
Газетіміздің алдағы санында таскөпірдің күрделі жөндеу жұмыстарына республикалық бюджеттен 71 274 822 теңге, облыстық бюджет есебінен 55 217 977 теңге қаржы бөлінгендігін айтқанбыз. Қомақты қаржы толығымен игеріліп, сапалы жұмыстар жасалған. Айт кетуіміз керек, Торғай – Арқалық бағытындағы тас жолдың да жөндеу жұмыстарын аталмыш мердігер жүргізген болатын.
Сондай – ақ, қазіргі таңда Аралбай – Көкалат бағытындағы жолды қалыпқа келтірудегі жұмыстарда қарқын алуда. Келесі кезекте былтырғы жылы күрделі жөндеу жұмыстары басталған «Торғай ауылын сумен жабдықтау» станциясына ат басын тіреді.
Мердігер Алматы қаласының «Асылтау» жауапкершілігі шектеулі серіктестігі. Өз жұмыстарына немқұрайлы қарағандықтан арадағы келісім бойынша жөндеу жұмыстарының аяқталу мерзімі әлде қайда өтіп кеткен. Сондықтан облыс басшысы аталмыш мердігерге құрылыс жұмысын 15 қазанға дейін толығымен аяқтауды тапсырды. Торғай ауылын сумен жабдықтау және қайта құрылымдау жұмыстарына 447 666 600 теңге қаржы бөлінген.
Сол себепті сапалы жұмысты талап ету орынды. Жаңадан салынған аудандық прокуратураның ғимаратын көрді. Жалпы, аудан көлемінде атқарылып жатқан жұмыстарға оң бағасын берді.
Байбатыр НИЯЗБЕКҰЛЫ
Жангелдин ауданында жазғы суға түсу маусымы басталғалы бері құтқарушылар мен құқық қорғау органдары күшейтілген жұмыс…
Жангелдин ауданында мал азығын дайындау науқаны қарқынды жүріп жатыр. (далее…)
Жыл басынан бері Жанкелдин ауданы бойынша 4 маман «Жастар практикасы» бойынша жұмысқа тұрды. (далее…)
Көкпардан жасөспірімдер арасында өткен чемпионат. (далее…)
При этом количество сайгаков в Казахстане дошло до 5 миллионов. (далее…)
Ауылдың таңымен бірге оянып, оның әрбір қуанышы мен мұңын жүрегінен өткізетін жандар болады. (далее…)
This website uses cookies.