Мерекеге орай ұстаздарға құрмет көрсетілді
Ұстаз – деген сөзге сансыз ұлылыққа адамзат баласы тағзым етіп, бас иеді. Ұстаздың бар байлығы – өзі тәрбиелеп өсірген саналы да білімді шәкірттері. Өскелең ұрпақты сапалы біліммен һәм саналы тәрбиемен сусындатып жүрген ұстаздар қауымы ұлттық стратегиямыздың маңызды тетігі. Қай заманда болмасын ұстаздарға деген шексіз құрмет еш сейілмеген. Олар қашанда құрмет пен мадаққа лайықты жандар. Олар таңдаған мамандық жаңа өмірдің баспалдағы іспетті. Сондықтан ұстаздар қауымы өмірдің айнасы, көңілдің жайма шуақ көктемі.
Кеше аудандық мәдениет үйінде білім беру бөлімінің ұйымдастыруымен «Ұстаз аты биік, әрі мәңгілік» атты шара өте жоғары деңгейде өтті.
«Ұстазы жақсының – ұстамы жақсы». Ұлағатты ұстаздарды құттықтау және марапаттау үшін сахна төріне аудан әкімі Шота Оспанов шақырылды. Аудан басшысы барлық білім қызметкерлерін кәсіби мерекелерімен құттықтады.
-Ұстаз – ұлы ұғым. Өйткені, сөз бастайтын ақын да, ғалым да, қол бастайтын батыр да ұстаздың тәрбиесін алып, мейірім-шапағатына бөленіп өседі. Сіздер тек қана білім нәрімен сусындатушы ғана емес болашағымыздың негізін қалаушысыздар. Сондықтан, сіздерге қандай құрмет көрсетсек те көптік етпейді. Елдегі білім мен ғылым саласына жасалып жатқан қамқорлықтар, оқу базаларының материалдық-техникалық базасын нығайтуға қаралып жатқан қаражаттар күн санап артып келеді. Бұның бәрі кемел келешегіміз үшін. Ал, сол келешекке білім нәрін құятын әрине ұстаздар. Сондықтан баршаңызға амандық, елеулі еңбектеріңізге жеміс және толағай табыстар тілеймін, – деді сөз соңында.
Сонымен қатар, «Білім беру саласында жас жеткіншектердің тәрбиесі мен кемел келешегіне ықпал етіп, саналы тәрбие берудегі еңбегі үшін» Қазақстан Республикасының Білім және Ғылым Минитрлігінің «Құрмет грамотасын» Қаратүбек орта мектебінің директоры Ғабдымәжит Садуақасовқа, Ш.Уәлиханов атындағы Торғай орта мектебінің директорының оқу – ісі жөніндегі орынбасары Сәбит Сейдахметовке, Ы.Алтынсарин атындағы орта мектебінің бастауыш пәнінің мұғалімі Гүлмайран Әбілдинаға, Албарбөгет орта мектебінің бастауыш пәнінің мұғалімі Ғалия Бектұрғановаға салтанатты түрде табыстады. Сондай – ақ, аудан әкімінің “Құрмет грамотасымен” білім саласына сүбелі үлес қосқан бірқатар ұстаздарды марапаттады.
Аудандық білім беру бөлімінің басшысы Наурызбай Сейдахметов ұстаздарға деген өзінің жылы лебізін арнап, облыстық білім басқарамысының «Құрмет грамотасын» және аудандық білім беру бөлімінің алғыс хаттарын сапалы білім беріп, саналы ұрпақ тәрбиелеп отырған мұғалімдерге табыс етті. Зейнеткерлік жасқа келіп, мерейтой иесі атанған Ы.Алтынсарин атындағы орта мектебінің директоры Қонысбай Ражановқа және аудандық білім беру бөлімінің әдіскері Қарлығаш Спабековаға құрмет көрсетті. Мерекелік кешке арнайы шақырылған білім саласының ардагерлеріне көрсетілген ерекше құрметті сөзбен айтып жеткізу мүмкін емес. Мектеп оқушылары ұстаздарға деген шынайы алғыстарын жыр- жолдарымен жеткізді. Жас ұстаздар қауымы әуезді әнмен кештің шырайын келтірді. Б.Хамзин атындағы өнер мектебінің бишілері мың бұрала би – билеп, домбырашылар күмбірлетіп күй тартты. Мерекелік концерттің бағдарламасын әзірлеп, жақсы өтуіне мұрындық болған өнер мектебінің ұстаздары Алмас Сейілханов пен Алмас Нұрлан. Бұл өнерлі қос азамат аудан көлеміндегі мерекелік іс – шаралардың кескінін келістіріп, көркемдік жағын әспеттей білген өнер иелері.
Мерекелік шарадан кейін «Шаңырақ» шатханасында қонақасы берілді. Көптеген тілектер айтылып, тағлымды әңгімелер өрбіді. Бір – бірін мерекемен құттықтап, естелік суреттерге түсті. Соңынан көтеріңкі көңіл – күймен тарқасты.
Байбатыр НИЯЗБЕКҰЛЫ
Су тасқыны кезінде қырылған малдар есепке алынып жатыр (далее…)
Зардап шеккен тұрғындарды қажетті заттармен қамтуда (далее…)
Қағаз бен мата қиындыларының пайдасы бар (далее…)
Тасқын судан зардап шеккен аудандардың бірі әрі күрделісі Жанкелдин ауданы болып саналады. (далее…)
Жарықсыз отырған елді мекендер байланысқа шықты. (далее…)
This website uses cookies.