Онда ақынның кітаптары мен марапаттары қойылды
«Болашаққа бағдар: рухани жаңғыру» бағдарламасының «Рахмет саған, туған ел» жобасы аясында А. Байтұрсынұлы мен М. Дулатұлы әдеби мұражайында жерлесіміз, айтыскер ақын, ұстаз-ғалым, «Шабыт» сыйлығының иегері, «Мәдениет саласының үздігі», «Айтыстың ақтаңгері» Айбек Қалиевке арналған экспозиция ашылды. Экспозицияда ақынның марапаттары, кітаптары, ғылыми еңбектері орын алды. Экспозицияның ашылу салтанатына ақынның өзі, туыс туғандары, достары, ауыл ақсақалдары, «Нұр Отан» партиясының Жангелдин аудандық филиалы төрағасының бірінші орынбасары Ғабит Сүндетбаев, мекеме, кәсіпорын басшылары, Жастар ресурстық орталығының ұжымы қатысты.
Экспозиция лентасын кесу құрметі ақынның өзі және әулетінің үлкені Рақым Рыскелдин ағамызға берілді. Ашылу салтанатын «Торғай мұражайлар кешенінің» басшысы Гүлбану Құлетқызы жүргізді. Ашылу салтанатында сөз алған «Денсаулық жолы-1» қоғамдық бірлестігінің лекторы Хамзин Молдағали Хамитұлы. Экспозицияның ашылуында қазақтың салт-дәстүрі бойынша мұражай қызметкерлері және туған- туыс жеңгелері шашу шашты. Жұртшылықтың ықыласына бөленген ақынмен келушілер естелік суреттерге түсті. Экспозицияның ашылу салтанаты Н. Ахметбеков атындағы мәдениет үйіндегі «Рахмет саған туған ел» атты кездесу кешімен жалғасты.
Альбина ӘУБАКІРОВА,
Торғай мұражайлар кешенінің ғылыми қызметкері
Редакциямызға Айнагүл Қожабаева хабарласып, бауыры Қуанышбай Қиалбековтің өмірін сақтап қалған дәрігерлерге алғыс білдірді. (далее…)
Жангелдин ауданындағы ахуал бақылауда. Қостанай облысында көктемгі су тасқынына қарсы кешенді дайындық шаралары пысықталып, барлық…
This website uses cookies.