Мемлекеттің «Дипломмен ауылға» бағдарламасы – ауылдық жерлердегі кадр тапшылығын азайтып, жас мамандарды қолдауға бағытталған маңызды бастамалардың бірі.
Осы бағдарламаның аясында туған жерге қызмет етуге бел буған жас мамандардың қатарында Жангелдин аудандық ауруханасының медбикесі Инабат Нұрмұхамед те бар.
Инабат Жанатқызы Сужарған ауылындағы Қанапия Қайдосов атындағы орта мектепті тәмамдаған. Мектепті аяқтаған соң, болашақ мамандығын саналы түрде таңдап, Қостанай жоғары медициналық колледжіне оқуға түседі. Осылайша, 11-сыныптан кейін медбике мамандығын игеріп, денсаулық сақтау саласына алғашқы қадамын жасайды. Оқу орнын аяқтаған жас маман «Дипломмен ауылға» бағдарламасы арқылы Жангелдин аудандық ауруханасына жұмысқа орналасады. Қазіргі таңда ол аурухананың процедуралық кабинетінде қызмет атқарып, науқастардан қан алу, әртүрлі медициналық анализдер жүргізу секілді жауапты міндеттерді орындайды. Бұл – үлкен дәлдік пен жауапкершілікті талап ететін жұмыс.
Алғашқы кездері адамдармен тығыз қарым-қатынаста жұмыс істеу оңай болмағанын жас маман жасырмайды. Дегенмен, уақыт өте келе тәжірибе жинақтап, өз ісіне бейімделе білді. Еңбегінің арқасында науқастар мен ауыл үлкендерінен алғыс алып, ақ баталарына ие болып жүр.
Инабат Жанатқызы үшін медбике мамандығы – жай ғана жұмыс емес, үлкен жауапкершілік. Ол адамдардың өмірі мен денсаулығын әрдайым бірінші орынға қояды. Болашақта да өз мамандығы бойынша біліктілігін арттырып, ауыл медицинасының дамуына үлес қосуды мақсат етеді.
Айта кету керек, жас маман аталмыш бағдарлама аясында ауылға келгенімен, бүгінгі күнге дейін әлеуметтік қолдау, қаржылай жеңілдіктер немесе көтерме жәрдемақы (подъёмный) алмаған. Қазіргі таңда ол декреттік демалыста болғанымен, алдағы уақытта қызметіне қайта оралып, ел игілігі жолында еңбек етуді жоспарлап отыр.
Отбасында үш баланың кенжесі болып өскен Инабат Жанатқызы – еңбекқорлығы мен адамгершілігі арқылы ауыл тұрғындарының сеніміне ие болған жас мамандардың бірі. Осындай білімді, жігерлі жастар ауылдың тірегі, елдің болашағы екені сөзсіз.
Шұғыла ЖАҚСЫЛЫҚ
Мемлекет басшысы Қасым-Жомарт Тоқаев Астанада өткен Волонтерлер форумына қатысып, еліміздегі еріктілер қозғалысының маңызы мен болашағы…
Жангелдин ауданында кәсіпкерлік саласы біртіндеп дамып келеді. (далее…)
Арқалық қаласындағы «Дала өлкесі тарихы» музейінде халқымыздың бай рухани мұрасынан сыр шертетін бірегей жәдігер сақтаулы…
Ұлттық өнер – халықтың жадын жаңғыртып, рухын асқақтататын асыл қазына. (далее…)
Еңбектің жалынына шыдап, маңдай терімен күнкөріс қамын жасап жүрген әр маманның қоғам алдындағы жауапкершілігі өлшеусіз.…
Жақында аудан орталығында қоғам және мемлекет қайраткері Жақан Қоса-баевтың 85 жылдық мерейтойына және студент жастардың…
This website uses cookies.