Өзен жағалауына сенбілікке шықты
Аудан тұрғындары, яғни мекеме, кәсіпорын басшылары «Таза Қазақстан» экологиялық акциясы аясында жалпы сенбілікке шықты. Олар «Жасыл ел» бағдарламасының белсенді жастарымен бірлесіп, өзен жағалауындағы қоқыстарды тазалады.
Мемлекет басшысы Қасым – Жомарт Тоқаевтың тапсырмасына сәйкес, Қазақстанның облыс, қала, аудан, ауыл, ауылдық округтерінде «Таза Қазақстан» республикалық акциясы сәуір айында бастау алып, күні бүгінге дейін әр тақырып бойынша жүзеге асып келеді.
«Жалпы, республикалық акция аясында көптеген жұмыстар атқарылып жатыр. «Таза Қазақстан» акциясы аясында ауданымыз бойынша 35-40 тонна қоқыс шығарылды. 1000-нан астам көшет ағаштары отырғызылды. 44 мәдени-тарихи ескерткіштердің маңайын тазалап, абаттандыру жұмыстары жүргізілді. Республикалық науқанға аудан бойынша жалпы 4000 адам өз еріктерімен сенбілікке шығып, белсенділік танытты. Алдағы уақытта да қарапайым тұрғындар ерікті түрде тазалық акциясын қолдайды деген сенімдеміз», – дейді аудан әкімінің орынбасары Еренбол Алматов.
Қазір жаз айында сырттан келетін адамдар көп. Олар қонаққа келіп, кейін суға шомылуға барады. Сол мезетте сусындарының, ішкен тамақтарының қалдықтарын шашып, салғырттық танытады. Өз елімізге жанымыз ашып, экологияның ластанбауына үлес қосайық.
Байбатыр АХМЕТБЕКОВ
Редакциямызға Айнагүл Қожабаева хабарласып, бауыры Қуанышбай Қиалбековтің өмірін сақтап қалған дәрігерлерге алғыс білдірді. (далее…)
Жангелдин ауданындағы ахуал бақылауда. Қостанай облысында көктемгі су тасқынына қарсы кешенді дайындық шаралары пысықталып, барлық…
This website uses cookies.