Аймақтық әншілер байқауы
Арқалық қаласында ХХІ «Алтын микрафон – 2025» аймақтық әншілер байқауының іріктеу кезеңі өтті.
Бұл байқауға біздің ауданның жас өнерпаздары қатысып, жас ерекшеліктері бойынша бақ сынады.
«Байқаудың басты мақсаты – жас таланттарды анықтау, қолдау көрсету және олардың болашақ шығармашылық жолына жол ашу. Қазылар алқасының құрамында кәсіби музыканттар, вокалдық педагогтар мен мәдениет саласының өкілдері болды. Олар қатысушылардың дауыс диапазонын, сахна мәдениетін, орындаушылық шеберлігін ескере отырып, әділ бағаларын берді», – дейді ұйымдастырушылар.
7 – 10 жас аралығындағы өнер додасында Жәния Алмасқызы жоғары ұпай алып, жүлделі бірінші орынды иеленді. Жәния қазіргі таңда Б.Хамзин атындағы өнер мектебіндегі вокал бөлімінің оқушысы. 11 -13 жас ерекшеліктері бойынша сыңға түскен Нұрсезім Қуанышқызы екінші орынға табан тіреді. Олда өнер мектебінің оқушысы. Ал, аудандық мәдениет үйі жанынан құрылған «Айқаракөз» вокал үйірмесінің оқушысы Мәдина Бақытбекқызы үшінші орынды иемденді.
«Бұл шара – дарынды жастардың шығармашылығын шыңдауға, өнер жолындағы алғашқы қадамдарын нық басуға мүмкіндік беретін маңызды алаң. Бойында таланты бар ұл-қыздар сахнаға шығып, вокалдық қабілеттерін көрсетіп, қазылар алқасының талқысына түсіп, өнерлерін бағалатуда. Әрбір қатысушы ерекше дайындықпен келіп, түрлі жанрда әндер орындап, көрермендер мен қазылардың қошеметіне бөленді», – дейді жетекшілер.
Байбатыр АХМЕТБЕК
Редакциямызға Айнагүл Қожабаева хабарласып, бауыры Қуанышбай Қиалбековтің өмірін сақтап қалған дәрігерлерге алғыс білдірді. (далее…)
Жангелдин ауданындағы ахуал бақылауда. Қостанай облысында көктемгі су тасқынына қарсы кешенді дайындық шаралары пысықталып, барлық…
This website uses cookies.