Жас актерлар үздік атанды
Аудандық білім беру бөлімінің ұйымдастыруымен Республикалық «Әбіш оқулары» байқауының аудандық кезеңі өткен болатын. Байқауға төрт номинация бойынша 33 оқушы қатысып бақ сынады. Әр номинация бойынша үздік танылған оқушылар облыстық кезеңге жолдама алды. Соның бірі «Сахналық қойылым» номинациясы бойынша жеңімпаз атанған Ш.Уәлиханов атындағы жалпы білім беретін мектебінің 9сынып оқушылары. Олар Әбіш Кекілбаевтың «Елең-алаң» романының желісінен алынған үзінді қойып жоғарғы ұпайды иеленген болатын. Сахнада өздерін еркін ұстай білуі, әртістік қабілеттерінің жоғары екенін облыстық кезеңде де дәлелдеген оқушылар Республикалық кезеңде өнер көрсететін болады. Сахналау барысында кейіпкерлерін жан дүниесін терең түсініп, көрерменге әсерлі жеткізе білді. Әртістік қабілеттері, эмоцияны жеткізу шеберлігі мен сахна мәдениеті әділ қазылар алқасының жоғары бағасына ие болды. Осылайша, ауданның, облыстың үздік сахналық қойылым номинациясының иегерлері мамыр айында Маңғыстау төрінде өнер көрсетпек. Бұл жеңіс – оқушылардың шығармашылық ізденісі мен еңбегінің, жетекші ұстазы Гульфайрус Абайқызының кәсіби шеберлігінің нәтижесі.
Жеңімпаздар өздерін республикалық кезеңде тағы бір мәрте дәлелдейтініне сенім білдіре отырып, оқушыларға сәттілік тілейміз.
Аталған байқау дәстүрлі түрде жыл сайын өтіп отырады. Байқаудың негізгі мақсаты қазақ әдебиетінің көрнекті өкілі Әбіш Кекілбаевтың шығармаларын насихаттау, мектеп оқушыларының шығармашылық қабылеттерін дамыту.Сонымен қатар әр бір оқушының поэзия мен прозаға деген қызығушылығын арттыру болып табылады. Оқушыларды әдебиетке жақын ететін байқаулар жиі ұйымдастырылып отыруыныңда пайдасы өте жоғары. Бұл бір жағы баланың қызығушылығын оятатын болса, енді бір жағымды тұсы бос уақытын тиімді пайдалануға ықпал жасау.
Аягөз ФАЗЫЛБЕКҚЫЗЫ
Мемлекеттік тілге құрмет (далее…)
Тазалық басты назарда (далее…)
Тасқын судың қарқыны баяу (далее…)
Құстарға қамқор бол бала (далее…)
Жас мамандар өзара бақ сынады (далее…)
Қарапайым халықта белсенділік жоқ (далее…)
This website uses cookies.