Жетінші қаңтар күні қас қарайған сәтте жел тұрып, ақ түтек қарлы боранға ұласқан
Жангелдин ауданы, Қызбел ауылдық округінің тұрғындары Жанат Әбдікенов пен Назымбек Төлеубаев 7 қаңтар күні сағат 12:00-де нива автокөлігімен үйірлі жылқыларын іздеп шыққан. Қас қарайған сәтте жел тұрып, ақ түтек қарлы боранға ұласқан. Жоқ іздеген жолаушылар межелі жердегі нысанадан жаңылып, адасып кеткен. Қалың қарға батқан нива атвокөлігін қардан шығара алмай әбден әбігерге түскен. Лажы қалмаған жолаушылардың біреу жаяу жолға шығып, ауыл бағытына қарай бет бұрған. Алайда, жаяу кеткен жолаушы қай бағытта баратқанын бағамдай алмай, байжан жобамен ілгері жүре берген. Шаршап шалдыққан жолаушының бағы болса керек, «Шобан» қоныс орнына жетіп, иесіз үйді паналаған. Бір тәулік бойы хабар – ошарсыз кеткен жолаушылардың отбасы алаңдап, 8 қаңтар күні Жангелдин аудандық полиция бөліміне Құралай Әбдікенова «102» нөміріне қоңырау шалып, хабарлама түсірген. Сол сәтте жедел іздестіру тобы Қызбел ауылдық округіне барып, жоғалған адамдары іздеп тапқан.
«Біз үшін жолаушылардың амандығы маңызды. «102» нөміріне хабарлама түскеннен кейін, жедел іздестіру тобы жолға шықтық. Қызбел ауылдық округіне қарасты елді мекендерді аралап жүріп, «Шобан» қоныс орнынан Жанат Әбдікеновты тауып алдық. Сол азаматтың айтуымен жобамен 30 шақырым жердегі нива автокөлігінде қалған Назымбек Төлеубаев бардық. Құдайға шүкір екі азаматта дінаман екен. Қарға батып қалған автокөлікті сүйреп, Саға ауылына алып келдік. Жоғалған жолаушылар аман-есен отбасымен қауышты. Осы орайда барлық тұрғындарға айтарымыз, күн боранда жолға шықпаңыздар. Ауа райы құбылмалы. Әсіресе, шалғай ауылда тұратын тұрғындар жолда абай болыңыздар. Егер жолда көлік бұзылып, тұрып қалсаңыздар «102» нөміріне және аудандық төтенше жағдайлар бөліміне хабарласыңыздар», – дейді аудандық полиция бөлімінің бастығының орынбасары Бақберген Нұрғазин.
Қызбел ауылдық округінің әкімі Қайсар Нұрғазин жедел іздестіру тобына және аудандық полиция бөлімінің бастығының орынбасары Бақберген Серікұлына, жедел уәкіл Алмас Тұрсынбекке, учаскелік полиция инспекторы Алмат Қапаровқа, потрулдік полиция қызметкері Сұңғат Орынбаевқа ауыл тұрғындарының атынан алғысын білдірді. Сонымен қатар, жоғалып қайта табылған жолаушылар шексіз ризашылықтарын жеткізіп, адал қызметтеріне абырой тіледі.
Байбатыр АХМЕТБЕКОВ
Елдің алғысын арқалады (далее…)
Жас актерлардың шеберлігі (далее…)
Ырым-тыйым құндылықтары (далее…)
Әлемдік сертификаттың иегері (далее…)
This website uses cookies.