Биыл Милісайға байланыс желісі тартылады.
Қостанай облысында телекоммуникациялық инфрақұрылымды дамыту мәселесі облыс басшылығының ерекше назарында. Облыс әкімдігінде өткен жиында цифрлық инфрақұрылымды дамыту, ауылдарды сапалы мобильді байланыс пен интернетпен қамтамасыз ету бағытындағы жұмыстар талқыланды. Жиында Цифрландыру басқармасының басшысы Азамат Кашиев атқарылып жатқан жобалар туралы баяндады.
Облыста цифрлық инфрақұрылымды дамыту аясында 300 ауылда байланыс желілерін салу жоспарланып отыр. Бұл – республика бойынша ең жоғары көрсеткіштердің бірі. Жоба алдағы жылдары кезең-кезеңімен жүзеге асырылып, оған шамамен 20 млрд теңге көлемінде инвестиция тарту көзделген.
Алғашқы кезеңде байланыс желілері Арқалық қаласына қарасты Көктай ауылында, Амангелді ауданындағы Жалдамa ауылында, Әулиекөл ауданындағы Москалев ауылында, Жангелдин ауданындағы Милісай ауылында және Сарыкөл ауданындағы Тағыл ауылында жүргізілмек.
Облыс әкімі Құмар Ақсақалов аудан әкімдеріне заманауи спутниктік шешімдерді, соның ішінде Starlink технологиясын ауыл шаруашылығы тауар өндірушілеріне, туристік нысандарға және шалғай елді мекендердегі әлеуметтік нысандарға кеңінен енгізуді тапсырды. Әсіресе, интернет жылдамдығы төмен ауылдардағы медициналық пункттер мен ветеринарлық бекеттерді сапалы байланыспен қамтуға басымдық берілмек.
Цифрлық инфрақұрылымды дамыту бағытындағы жұмыстар Жангелдин ауданында да жүзеге асуда. Соның бір мысалы – Саға ауылында байланыс станциясының орнатылуы. Нәтижесінде ауыл тұрғындары тұрақты мобильді байланыс пен интернет желісіне қол жеткізді.
Саға ауылының тұрғыны, кәсіпкер Амангелді Қожахметовтің айтуынша, бұл ауыл өміріне айтарлықтай өзгеріс әкелген.
– Осы уақытқа дейін күнделікті өмірімізде үлкен кедергі болып келген байланыс мәселесі шешілді. Ауылымызға сапалы интернет пен ұялы байланыс орнатылды. Енді мемлекеттік бағдарламалар мен субсидияларға өтінім беру үшін аудан орталығына бармай-ақ, барлық шаруаны онлайн түрде бітіре аламыз, – дейді кәсіпкер.
Оның айтуынша, интернеттің пайдасы мал шаруашылығында да байқалып отыр. Қазір жылқыларға GPS құрылғылары орнатылып, олардың қозғалысын мобильді қосымша арқылы бақылауға мүмкіндік туған. Сонымен қатар «Төрт түлік» қосымшасы арқылы ветеринарлық мәліметтерді енгізу де қолжетімді болған.
Шұға ҚОҢҚАБАЙ
Сурет облыс әкімінің баспасөз қызметінен алынды
Жаңа нысан заманауи талаптарға толық сай келеді деп күтілуде. (далее…)
Астана мен Батысты жалғайтын тарихи жол құрылысы Шеген ауылына дейінгі аралықта жүріп жатыр. (далее…)
Жер астынан шыққан қайнар. (далее…)
Білім ошақтарының материалдық-техникалық базасын нығайтуға 88 миллионға жуық қаражат бағытталды. (далее…)
Жыл соңына дейін Beeline байланыс желісі мен 4G мобильді интернеті іске қосылады. (далее…)
This website uses cookies.