Ол алда орындалатын жұмыстардың жоспарын көпшіліктің назарына ұсынды
«Nur Otan» партиясы Жангелдин аудандық филиалының ғимаратында №3 Нұрхан сайлау округі бойынша аудандық мәслихаттың депутаты Серік Нұрғазин сайлаушыларымен кездесіп, атқарған жұмыстары жөнінде есеп берді. Сайлаушылар тарапынан айтылған ұсыныс – пікірлердің дені өз шешімін тапқан.
Сондай – ақ, халық қалаулысы алдағы атқаратын жұмыс жоспарларын тілге тиек етіп, сайлаушылардың пікірлерін тыңдады. Барлық ұсыныстар бір мезетте орындалуы мүмкін емес. Уақыт еншісімен санасуды ұмытпағанымыз жөн. Мәселен, былтырғы жылы халық қалаулылары аудан орталығындағы бір қатар нысандарды аралады. Соның ішінде білім ордасының қара шаңырағына айналған Ы.Алтынсарин атындағы мектепке ат басын бұрып, ұстаздармен жүздесті. Сол арада ұстаздар қауымы интернет желісінен қиындық туып отырғандығын айтып, депутаттарға ұсыныс айтқан болатын. Арада айлар өтіп, бұл мәселеде түбегейлі шешімін тапты. Сондықтан айтылған ұсыныстар кезең – кезеңімен орындалып отырады. Сайлаушылар депутаттың атқарған жұмыстарына қанағаттанып, алдағы жұмысына сәттілік тіледі.
Орайы келген сәтті ұтымды пайдалана білген мәслихат депутаты Қазақстан Республикасының Президенті Қасым – Жомарт Тоқаевтың “Сындарлы қоғамдық диалог – Қазақстанның тұрақтылығы мен өркендеуінің негізі” атты Қазақстан халқына арнаған Жолдауы жөнінде түсінік берді.
Бұл Жолдау өткенімізге баға беріп, келешектегі перспективаларымызды ашатынын және ұлттың рухани жаңғырудың бағдарламасы болып табылатынын айтты.
Байбатыр АХМЕТБЕКОВ
Ел мерейі үстем болды (далее…)
Өнегелі өмір ұрпаққа аманат (далее…)
Тиянақты түсінік жұмыстары (далее…)
Ауылым – алтын бесігім (далее…)
Ауылда ауқымды құрылыс басталды (далее…)
Ауылдың сәні – елдің берекесі (далее…)
This website uses cookies.