Аудан тұрғындарының басты арманы орталық монша іске қосылса екен дейді. Кеңес үкіметі кезінде іргетасы қаланған моншаның соңғы екі- үш жыл көлемінде жұмысы тұралап қалды. Оны қайта іске қосып, халықтың игілігіне пайдалануға ешкімнің құлқы жоқ
Бәрі де оның ауыртпалығы мен шығының көтеруден қашады. Қазіргі таңда Нұрбол Айтбайұлының моншасы халыққа қызмет жасап келеді. Карантиндік шектеулерге бағынып, рұқсат берген уақытта ғана жағып отыр. Тұрғындардың басым бөлігі жекеленген моншалардың ауасы тар, уақыты бір сағаттан аспайтын болғандықтан Нұрболдың моншасына көптеп барады. Кей кездері адамның көптігінен кезек күтіп тұратындар саны жетіп артылады.Бас пайдасын емес монша іздеп сабылып жүрген халықтың жағдайын назарға алған Айбек Қыпшақбаев үй ауласына заман талабына сай қоғамдық монша салды. Сыйымдылығы 8 адамға шақталған. Ішкі келбеті көз тартарлық. 1 қаңтардан бастап жұмысын бастады. Бағасы да тиімді. 14 жасар балалар үшін 300 теңге. Ал, ересектерге 500 теңгеден. Айбек Әбдібекұлының алдағы жоспары да көңілден шықты. Мәселен, моншаға келген адам тұтынатын қажетті заттармен қоса сусындар әкеп қол жетімді бағамен сатуды ойластырып қойған. Сенбі күні ер адамдар, жексенбі күні әйелдер қауымына арнап жағылады. Белең алған пандемияға қарсы күнделікті санитарлық тазалық жұмыстары жүргізіледі. Монша үлкен шатыр астында орналасқан.
Айбек Әбдібекұлы аудандық электр жүйесінде бас инженер болып жұмыс жасайды. Әр ісіне ұқыппен қарап, жауапкершілікті азаматтық парызым деп сезінеді. Жұбайы Анар Сақтапбергенқызы көп балалы ана. Отағасы екеуі 5 бала тәрбилеп өсірген бақытты ата – ана. Қыздарын тәрбиелеп, құтты ұясына қондырған. Ұлдың үлкені полиция бөлімінде қызмет етуде. Қыздың кенжесі Ш.Уәлиханов атындағы орта мектебінің озат оқушысы. Ұлдың кішісі Қостанай қаласындағы Ы.Алтынсарин атындағы дарынды балаларға арналған қазақ гимназия-интернатында білім алады. Осындай үлгілі отбасынан кейінгі жас буын өкілдері тәлім алса болашаққа сеніммен қадам басары сөзсіз. Жаңадан салынған моншаның игілігін егесі мен ел көрсін деген ниеттеміз.
Гүлжан БӨЛЕГЕН
Су тасқыны кезінде қырылған малдар есепке алынып жатыр (далее…)
Зардап шеккен тұрғындарды қажетті заттармен қамтуда (далее…)
Қағаз бен мата қиындыларының пайдасы бар (далее…)
Тасқын судан зардап шеккен аудандардың бірі әрі күрделісі Жанкелдин ауданы болып саналады. (далее…)
Жарықсыз отырған елді мекендер байланысқа шықты. (далее…)
This website uses cookies.