Салауатты өмір салты
Аудандық білім беру бөлімінің ұйымдастыруымен мектеп оқушылары арасында қысқы спартакиада ойындары екі күнге созылды. Шаңғы жарысынан бақ сынаған оқушылар байрақты бәсекенің бәсін қыздырды. Жанкүйерлердің қолдауына ие болған шаңғышылар спартакиада ойындарында жақсы көрсеткішке ие болды. Командалық бәсекеде намысты қолдан бермеуге тырысып бақты. Оның сыртында көз мергендіктерін сынап, нысананы көздеп атты.
«Жыл сайын оқушылар арасында қысқы спартакиада ойындары жалғасын тауып келеді. Салауатты өмір салтын қалыптастыру мақсатында ұйымдастырылған спорттық сайыс, оқушылардың денсаулығына өте пайдалы. Таза ауада шаңғы теуіп, кең тыныстағанға не жетеді. Бұлшық еттері қатайып, бір серпіліп қалады. Біз үшін балалардың денсаулығы маңызды. Ол үшін үнемі спортпен шұғылдану керек. Біздің тарапымыздан спорттық шаралары үнемі ұйымдастырылып отырады. Жыл басындағы жоспарға сәйкес, көптеген іс – шаралар бар. Сондай –ақ, Міржақып Дулатұлының 140 жылдық мерейтойына бағытталған сайыстар алдағы уақытта басталады», – дейді білім беру бөлімінің мамандары.
Екі күндік жарыста жеңімпаздар анықталып, арнайы алғыс хаттар мен және естелік сыйлықтармен марапатталды.
Байбатыр АХМЕТБЕКОВ
Қосылбай Құтмағанбетов – ширек ғасырға жуық уақытын өрт сөндіру қызметіне арнаған тәжірибелі маман. (далее…)
Облыс әкімдігінде өткен аппараттық жиында 2027 жылғы су тасқыны кезеңіне дайындық барысы қаралды. (далее…)
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Қостанай облысына іссапары барысында Торғай…
2027 жылғы көктемгі су тасқынына дайындық облыс әкімдігінде өткен аппарат кеңесінде талқыланды. (далее…)
Туған жерді түлету ағаш отырғызудан басталады. (далее…)
This website uses cookies.