Велошабандоз Ернат Мелсұлы Ахмет Байтұрсынұлы ауылынан Стамбұлға дейін 5 555 шақырым жүріп өтеді
Алғашқы саяхатын 5 қыркүйек күні ұлт ұстазының туған жері Ақкөл ауылынан бастады. Ол Стамбұл қаласына дейін 55 күнде 5 555 шақырымды бағындырмақшы. Ахмет атамыздың құрметіне арналған саяхатқа жаз бойы дайындалған. Құны 700 мың теңге тұратын жаңа велосипед пен тиімділік және жылдамдықты арттыруға көмектесетін велосипед аяқ киімін сатып алған. Қостанай, Ақтөбе, Атырау, Маңғыстау және Әзербайжан, Грузия, Түркия арқылы Стамбұлға барады.
– Маңғыстау облысына велосипедпен барып, әрі қарай құрғақ порт арқылы Бакуге жол тартамын. Сосын қайтадан жүйрік велосипедіме мініп, ат басын Станбұлға бұрамын. Осы саяхатым туралы өзімнің әлеуметтік желілердегі парақшаларымда жазамын. Тарихи жерлерді аралап, рухани құндылықтарды санама сіңірдім. Торғай жерінің дархандығына ризамын.Нағыз қазақылықтың иісі аңқыған мекен екен. Менің негізгі мақсатым – ұлт ұстазы Ахмет Байтұрсынұлының шығармашылығын, Абай Құнанбайұлының «Tolyq Adam» тұжырымдамасын насихаттап дәріптеу. Мен ақпан айында өз тәжірибемді сынап, велосипедпен 9 сағат 56 минутта 150 шақырымды бағындырғанмын. Осылайша алғашқы қысқы веломарафоншы ретінде Қазақстанның рекордтар кітабына есімім алтын әріптермен жазылды, – дейді Ернат Мелсұлы.
«Ахаң жүрген жолмен» экспедициясының ақ туын қолына алған велошабандоз Қостанай қаласынан Стамбұлға жол тартты.
Байбатыр НИЯЗБЕКҰЛЫ
Қосылбай Құтмағанбетов – ширек ғасырға жуық уақытын өрт сөндіру қызметіне арнаған тәжірибелі маман. (далее…)
Облыс әкімдігінде өткен аппараттық жиында 2027 жылғы су тасқыны кезеңіне дайындық барысы қаралды. (далее…)
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Қостанай облысына іссапары барысында Торғай…
2027 жылғы көктемгі су тасқынына дайындық облыс әкімдігінде өткен аппарат кеңесінде талқыланды. (далее…)
Туған жерді түлету ағаш отырғызудан басталады. (далее…)
This website uses cookies.