«Туған жерге тағзым» жобасы аясында Қызбел ауылының 1989 жылғы тумалары ауыл орталығындағы сахнаға күрделі жөндеу жұмыстарын жасады

Қазақстан Республикасының Конституция мерекесі қарсаңында Саға ауылының орталығында орналасқан дала сахнасының ашылу салтанаты болды

Ауыл әкімі Қайсар Нұрғазин мен мәдени ұйымдастырушы Айжамал Баймырза дала сахнасының лентасын қиып, құттықтап, ел азаматтарына ауыл тұрғындарының атынан рахмет айтып, алғыс хатпен марапаттады.

Дала сахнасы ауылға керемет сән беріп тұр, карантин біткеннен кейін, жазды күндері дала сахнасында әр түрлі мәдени іс-шаралар өткізілетін болады. Жөндеу жұмыстарына жалпы соммасы 500 мың теңге қаражат жұмсалды. Осындай азаматтардың елге деген жанашырлығы туған жерге туын тіккен тұғырлы елдің тумалары екендігін дәлелдеп тұр.

Басқа да ауылдың азаматтары тұтас елдің тіршілігін шешіп бере алмаса да, өсіп өнген жердің шырайын келтіруге аянар емес. Осындай берекелі бастамалар қашан да жемісін берері анық.

Қызбел ауылдық округі

әкімінің аппараты