Студенттің жоғары жетістігі

Ел ертеңі – білімді жастар

Гүлдәурен Жақанқызы Нұр-Сұлтан қаласында өткен республикалық “VII халықаралық ғылыми-практикалық” конференцияға қатысып, бағын сынады. Ғылыми конференцияға өзінің “Мектепке дейін білім беру жүйесінде қолдану ” атты жобасын ұсынып, жеңімпаз атанды. “Ұлттық қозғалыс” заңды тұлғалар қауымдастығының төрағасы Е.Әбиевтің қолынан алғыс хат сертификатымен марапатталды.

Гүлдәурен Әуезхан Сарысу негізгі мектебінің түлегі. Қазіргі таңда А.Байтұрсынұлы атындағы Қостанай өңірлік университетінде білім алуда. Аталмыш жоғары оқу орынының аға оқытушысы Жанат  Бисембаева шәкіртінің жетістікке жеткеніне ризашылығын жеткізіп, кафедра атынан алғысын білдірді. Болашағынан зор үміт күттіретін  жастарымыз көп болсын. Әр қалада арман қуып, білім алып жүрген жерлестеріміздің биік белестерді бағындырғанына бізде қуанамыз.

Гүлжан  БӨЛЕГЕН