Интеллектуалдық байқау өте қызықты өтті

Онда оқушылар Қазақстан тарихы пәні бойынша қойылған сұрақтарға жауап берді

Болашаққа бағдар:«Рухани жаңғыру» бағдарламасы аясында Ы.Алтынсарин атындағы орта мектебінде «Білім беру бөлімінің» ұйымдастыруымен II республикалық ғылыми-практикалық жас тарихшылардың «Менің кіші Отаным» атты интеллектуалдық конкурсы өтті.

Жалпы конкурс 9-10 сынып аралығында, 7 мектептен 23 оқушы қатысты. Конкурс 2 турдан тұрады: 1-тур Қазақстан тарихы пәні бойынша сұрақтар, 2-тур 4 номинация бойынша өтті. Қорытындылай келе:

– «Менің кішкентай Отанымның тарихы» номинациясы бойынша I-орынды  Қ.Қайдосов орта мектебінің 10 сынып оқушысы Жанеля Асқарқызы, II-орынды Албарбөгет орта мектебінің 10 сынып оқушысы Наргиз Мүсілім, III-орынды Н.Г.Иванов орта мектебінің 9 сынып оқушысы Ерұлан Рахымжан иеленді.

– «Менің кішкентай Отанымның болашағы» номинациясы бойынша II-орын Ы.Алтынсарин қазақ орта мектебінің 10 сынып оқушысы Қайрат Жәкіш, III-орын Ш.Уәлиханов орта мектебінің 10 сынып оқушысы Айзат Қылышбек иемденді.

 – «Менің туған өлкем» номинациясы бойынша I-орын Ы.Алтынсарин қазақ орта мектебінің 10 сынып оқушысы Әулетбек Жүсіп, II-орын Албарбөгет орта мектебінің 10 сынып оқушысы Шыңғыс Сәлім, III-орын Ш.Уәлиханов орта мектебінің 9 сынып оқушысы Жансая Серік жеңіп алды.

– «Кішкентай Отанымның символы» номинациясы бойынша II-орынға Ы.Алтынсарин 9 сынып оқушысы Гүлназым Нұрханқызы, III-орынға Қ.Қайдосов орта мектебінің 10 сынып оқушысы Ақбаян Жаңбырбай лайықты деп бағаланды.

Гүлдана ҚАЙЫРЖАНҚЫЗЫ,

Аудандық білім беру бөлімі әдістемелік кабинетінің әдіскері