Дара тұлғаның мерейтойына орай жыр мүшайрасы ұйымдастырылды
Абай Құнанбайұлының 175 жылдық мерейтойына орай Қ.Топаев атындағы орта мектебінде «Құлақтан кіріп, бойды алар» атты жыр мүшайрасы өтті.
Жыр мүшайрасына 1-10 сынып оқушылары үлкен белсенділікпен атсалысты. Сахна тақырыпқа сай безендіріліп, оқушылар шығармашылығынан суреттер, рефераттар, эссе жинақтары қойылды. Кеш барысында «Кім жылдам» бөлімінде ақынның өмір жолы, шығармалары бойынша сұрақтарға жауап берген көрермендерге сыйлықтар табысталды.
Өлеңдерін жатқа оқу барысында І орынды 6 сынып оқушысы Мұхаммедханафия Жақсылық жеңіп алды. ІІ орынды 3 сынып оқушылары ағайынды Еркежан мен Темірлан иеленді. ІІІ орын 3 сынып оқушылары Әдемі Мұхамеджан мен Айару Марат иемденді. Ұлы ақын Абай Құнанбайұлының 175 жылдық мерейтойына арналған іс – шаралар алдағы уақытта да жалғасын табатын болады.
Гүлмира ТОҚЖІГІТҚЫЗЫ,
мектеп директорының тәрбие ісі меңгерушісі
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31