Арқалық қаласында қазақ күресінің жүлдегерлері анықталды

Мұнда қатысқан палуандардың бағы жанды

Балалар-жасөспірімдер спорт мектебінің қазақ күресі бөлімшесінде тәрбиеленіп жатқан оқушылар Арқалық қаласында өткен Қазақ күресінен 2005-2007 ж.т. жасөспірімдер мен 2004-2006 ж.т. қыз балалар арасындағы Қостанай облысының турнирінде ауданымыздың намысын қорғап қайтты.

50 кг салмақ дәрежесінде Нұржан Жексенбай І-орын, 42 кг салмақ бойынша Байбол Иманғали ІІ-орын, 38 кг салмақта белдескен Нұрислам Қалабай ІІІ-орын, 42 кг салмақта Бағдаулет Қосылбек ІІІ-орын, 46 кг салмақ Нұрбол Жексенбай мен Азамат Сабитбек ІІІ-орын, 51 кг салмақ дәрежесінде Бірлік Рақымжан ІІІ-орын, 55 кг салмақ бойынша Ескендір Кәкім ІІІ-орын, 57 кг салмақта Шалқар Орал ІII орын және 60 кг салмақ дәрежесінде Бақтияр Файзолла ІІІ-орынды иеленді.

Сонымен қатар Арқалық қаласында қазақ күресінен «Қостанай қыраны – 2019» жасөспірімдер мен балалар және жастар арасындағы облыстық III кезеңі өтті.
Обылыстық «Қостанай қыраны – 2019» III кезеніне Қостанай, Лисаковск, Арқалық қаласының және Қостанай, Жетіқара, Әулиекөл, Бейімбет, Амангелді, Жангелді аудандарының палуандары қатысты.

Осы жарыстың қорытындысы бойынша, палуандар әр салмақ дәрежелері бойынша II,III орындарға ие болды. Мәселен, 66 кг салмақ дәрежесінде II орынды Данияр Жолдыбай мен Ерболат Тайшығара иеленді. Ал, 74 кг салмақ дәрежесі бойынша Мақсат Ақтас III орынға табан тіреді.