Жанкелдин ауданында жаңа жыл мерекесіне дайындық жұмыстары қызу жүріп жатыр

 Қар қалашықтары

Асығып, сағына күтетін жаңа жыл мерекесіне де санаулы күн қалды. «Ескі жыл ескіресін, жаңа жыл жарылқасын» деп тілек айтатын күнде алыс емес. Жаңа жыл мекересінің басты сәні жасыл шырша мен қар қалашықтар.

Жылдағы әдет бойынша мекеме, кәсіпорын қызметкерлері бірігіп, орталық алаңға қар қалашықтарын жасауға білек сыбана кірісті. Жаңа жылдың басты кейіпкерлері Аяз ата мен Қарша қыздың бейнесін салу жұмыстары басталып кетті. Оның сыртында ертегілер әлемінен сыр шертетін қазақ мультфильмнің кейіпкерлері мен жан – жануарлардың мүсіндері бой көтеретін болады. Орталық алаңның сәні кіріп, жаңа дылға жаңа серпін береді.

Көп ұзамай жасыл шыршаның жарықтары самаладай жанады.

Аудан тұрғындары жаңа жыл мерекесін жақсы көңіл күймен қарсы алады. Дала сахнасында әуелеген ән, мың бұралған би, күмбірлеген күй ойнап, мерекенің көркін қыздырады. Қар қалашықтары сән салтанаттың мәнін жоймайтынына сеніміміз мол.

Байбатыр АХМЕТБЕК
Суретті түсірген: автор