Жанкелдин ауданы, Сужарған ауылында асфальт төсеу жұмыстары басталды

 Кіре беріс жол қалыпқа келуде

Ауыл тұрғындарының көптен күткен қуаныштары орындалды. Аудан, ауыл әкімдерінің есеп беру жиындарында көтерілген мәселелердің бірі кіре беріс жолға асфальттау еді. “Халық үніне құлақ асатын мемлекет” тұжырымдамасы негізінде жүзеге асып жатқан инфрақұрылым жұмыстары нәтижелі. Ұзындығы 950 метр болатын жерге асфальт жабындысын төсеу үшін облыстық бюджет есебінен 61 млн теңге қаржы бөлінген.

“Биыл ауылда бірқатар жұмыстар естілуде.” Таза Қазақстан” экологиялық акциясы аясында ауылдың ажары кірді. Көшелерге замануи шардақтар орнатылды. Көшеге тұлғалардың сөздері жазылған стенттер ілінді. Жуырда айшықталған ауыл атын жол бойына орнату жұмыстарымен айналысып жатырмыз. Алдағы жылы ауыл перзенттерінің демеушілігімен көптеген жұмыстарды жүзеге асырамыз деген жоспар бар”,- дейді ауыл әкімі Досбол Тайшыбек.

Асфальт жабындысын төсеу жұмыстарын Арқалық қаласынан келген “ЛидерСтрой-2022” жауапкершілігі шектеулі серіктестігі мердігер атанып, сапалы жұмысқа мән беруде.

Байбатыр АХМЕТБЕК