Жанкелдин ауданында жас маман бірнеше кәсіп түрін меңгеріп, елдің алғысын алып отыр
Елге қызмет – перзенттік борыш
Ауданда қызығушылықты шағын кәсіпке айналдырып, халықтың сұранысына ие болып жүрген шағын кәсіп иелері жыл санап артып келеді. Аталмыш кәсіп иелерінің басым көпшілігі қыз келіншектер. Мамандық бойынша жұмыс жасап, бос уақыттарын тиімді, ұтымды пайдалана білуде біліктілікті талап етеді. Осындай жан жақтылығымен көпке үлгі болып жүрген жандардың бірі Надим Адила Асхатқызы.
Адила Асхатқызы 2001 жылы 6 сәуірде киелі Торғай жерінде дүниеге келген. Ш.Уәлиханов атындағы жалпы білім беретін мектебінің түлегі. Мектеп қабырғасынан белсенді. Мектептің түрлі байқауларынан жүлдегер атанып, аудандық шараларға белсене қатысып, жан жақтылығымен ерекшеленіп жүреді. Б.Хамзин атындағы өнер мектебін би бөлімі бойынша тәмамдаған. 2018 жылы Л.Н.Гумилев атындағы Еуразия ұлттық университетіне оқуға түсіп, «Аймақтану» мамандығы бойынша аталмыш оқу ордасын үздік аяқтайды. Қолға диплом алып, елге қызмет етуге келді. 2023 жылы ата- анасының қолдауымен шағын «Dream&Study» оқу орталығын ашып, бүгінгі күні ағылшын тілінен сабақ беріп оқушылары облыстық, республикалық олимпиадаларда қоржындарын жүлдемен толтырып жүр.
«Мектеп қабырғасынан ағылшын пәніне деген қызығушылығым жоғары болды. Пән мұғалімі Мақпал Ділдәбекова, әпкем Қарлығаш Асхатқызы ағылшын тілін терең меңгеруіме толықтай ықпал жасады. Бүгінде соның арқасында ағылшын тілін еркін меңгердім. Десекте, әр түрлі курстар оқып, өзімді жетілдіріп отырамын. Мақсатымда оқушыларым үлкен жетістікке жетіп, ауданымызды шете елдерде танытып, әлемдік оқу ордаларынан білім алатын дәрежеге жеткізу. Мен әр бастаған бастамадан нәтиже шығару үшін жұмыс жасаймын. Мәселен, осы бір жыл ішінде оқушыларым облыстық, республикалық олимпиадалардан жүлдегер атанды. Бұл жаңа бастап келе жатқан оқушы үшін аз ғана уақытта жаман көрсеткіш емес. Десекте әлі де көп жұмыс жасайтын боламыз. Менің тобымда он алты оқушы бар. Жас ерекшелігі 9 жастан 15 жасқа дейін қабылданады. Оқу орталығында ағылшын тілінен бөлек білікті мамандар математика, бастауыш сыныпқа дайындық, орыс тілі пәндерінен оқушылармен жұмыс жасайды. Алла қаласа басқада пәндерді қарастыру жоспарда бар», – жас маман.
Балаларға білім нәрін беріп, ұстаздық жолды таңдаған Адила Асхатқызы қолы қалт етсе, уақытын босқа өткізбейді. Бос уақыттарында әр түрлі қызығушылықпен жасайтын жұмыстарына тапсырыс алып, қосымша кәсібін дөңгелетіп отыр. Тәтті торттар, сұраныстағы дубай шокаладттары, шокаладпен қапталған құлпынай тағыда сол сияқты түрлі тәттілерге тапсырыс қабылдайды. Сұраныс өте жоғары, тұтынушыларда дән риза. Өмірлік ұстанымыда алға қарай дамып, ата ананың батасын алу. Қандай бастама бастасада отбасының, бауырларының қолдауы қашанда шабыт беретінін сөз арасында тілге тиек етті. Бір бойында қаншама еңбекқорлық, көп адам баласында кездесе бермейтін табандылық жатыр.
Аягөз ФАЗЫЛБЕКҚЫЗЫ
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31
1 просмотров